sabato 5 agosto 2017

E MMÒ di VINCENZO MESSINA

E mmò ca te ne'accuorge
ca jo te sò' mancato?
mò t'e venuto a mente 
ca te vulevo bbene?...
e dimme mò nu poco
addò ca tu si stata
quanno jo pò' t'aspettavo
e tù stive luntana...
E ghjà nun me fà' ridere
ferniscele'e fà''a scema
'sti chiacchiere sò' inutile
nun me venì' a cuntà'...
'A luna a Marechiaro
sta lla pe' nnammurate
essa vvò fà''a ruffiana
pe' chi se vò vasà'...
'O viento'e primmavera
nun soffia inutilmente
vò raffreddà lli core
ca stanno pe' scuppià...
Ma quale ammore e ammore
ccà nun ce steve niente
jo m'ero lusincato
e mò me sto a scetà...
Vincenzo Messina ...

Nessun commento:

Posta un commento

Lascia il tuo commento