giovedì 12 maggio 2016

VINCENZO MESSINA

*** Si faje bene a' nu cristiano , Prima o poi ti fa del male
Ma si'o ffaje a N'animale,chillo nun s''ò scorde maje.***
* 'Nu passariello*
'Ind'a'nu nido, sulo è abbandunato
nemmeno'e penne nguollo avive mise
tremmave'e friddo llà ,chino'e paura
'a vocca aperta, tù cercave aiuto.
'A mamma toia ,chisà che llè succiese
mentre vulava pe' venì addu tè
pensaie, ca si passave troppo tiempo
'e famme tu murive, passariè'.
Allora cu' 'na pena dint'o core
sò addivintato 'a mammarella toia
dint'a nu piezzo'e carta arravugliato
'sta vocca aperta toia, jo te jnghevo.
*(Ogni mez'ora dà' matina' a' sera)*
E''mò te guardo cu suddisfazzione
vestuto'e penne forte è battagliero
vtàje sempe nguollo a mme pe' dint'a casa
ve' ttè, jo songho 'o meglio amico tuoio.
Mà, 'a verità, jo ''mò te laggia dì'
è troppo bello, ca tù vuò' stà' cù' mmè
mà tu nasciste, pè' stà' miezo 'o cielo
vola luntano... è nun te girà areto.
.Vincenzo Messina .

Nessun commento:

Posta un commento

Lascia il tuo commento